130 ilgä ber doza da vakśina kitmäde

BMO ğomum särqatibe virusnıñ urman yanğını şikelle taralğan oçraqta daimi räweştä mutaśiyä kiçerep tağın da yoğışlı häm ülemçel xälgä kilä aluı turında kisätte

1585887
130 ilgä ber doza da vakśina kitmäde

BMO ğomum särqatibe Antonio Guterriş koronavirusqa qarşı yasalğan vakśinalarnıñ tigez häm ğadel taratılmawın belderep bolay dide: “Vakśinalarnıñ 75%ın barı 10 däwlät qullana, 130dan artıq ilgä ber genä doza da kitmäde”.

BMOnıñ iminlek şurasında kizü häm vakśinağa tigez ireşü xaqında söyläştelär. Guterriş virusnıñ urman yanğını şikelle taralğan oçraqta daimi räweştä mutaśiyä kiçerep tağın da yoğışlı häm ülemçel xälgä kilä aluı turında kisätte. Ğomum särqatib dön’yanıñ global’ vakśinalaştıru planına ixtiyacı buluın assızıqladı. Ul iñ alğa kitkän 20 iq’tisadtan toruçı G20 illären anı tormışqa aşıru öçen ğadättän tış xällär missiyä törkeme oyıştırırğa çaqırdı.



Bäyläneşle xäbärlär