Kongoda köymä battı

Kongo demokratik cömhüriyäteneñ könbatışında unaşqan Mai-Ndombe külendä köymä battı, faciğada 60 keşeneñ ğomere özelde.

Humanitar yärdämnär ministrı Steve Mbikayi Twitterda açıqlaw yasap, Mai-Ndombe külendä 700dän artıq yulçı utırğan köymäneñ batuın citkerde.

Qazadan cawaplı bulğan härkemneñ xökemgä tartılaçağın beldergän Mbikayi 60 mäyetneñ tabıluın, 300 keşeneñ qotqarıluın häm yözlärçä keşe öçen êzläw-qotqaru êşçänlekläreneñ däwam itüen belderde.

İldä ayıruça köçle yawım-töşem küzätelgän çorda  barlıqqa kilüçe mondıy diñgez faciğalarına köymälärneñ qarawsız buluı häm kirägennän artıq yulçı utırtuları säbäpçe bula.

İldä citärle däräcädä asfal’t yullarınıñ bulmawı arqasında xalıq transport öçen ğomümän yılğa häm küllärne qullana.