İtaliyädä yaña xökümät bilgele

İldä Djuzeppe Konti liderlığındağı koaliśiyä xökümäte ğıynvar ayında taralğan ide

1582721
İtaliyädä yaña xökümät bilgele

İtaliyädä yaña xökümät qoru wazıyfası tapşırılğan prem’yer-ministr Mario Dragi kabinetında urın alaçaq isemnärne atadı.  

İldä Djuzeppe Konti liderlığındağı koaliśiyä xökümäte ğıynvar ayında taraldı. Şunnan soñ xökümät krizisı başlandı.

İtaliyä ilbaşı Serdjio Mattarella yaña kabinet tözü êşen êlekkege Awrupa üzäk bankı räise Dragiğa tapşırdı. Ul kiçä kiç ilbaşı sarayında ministrlar kabinetınıñ kiñ isemlegen täq’dim itte. Mattarella alarnı raslağannan soñ Dragi 23 keşelek isemlekne açıqladı. Anda 8 xatın-qız da bar.

Êlekkege xökümättä wazıyfa başqarğan tışqı êşlär ministrı Luidji Di Maio, saqlanu ministrı Lorenśo Gerini, êçke êşlär ministrı Luçiana Lamorgeze, sälamätlek saqlaw ministrı Poberto Speransa, mädäniyät ministrı Dario Françeskini üz urınnarın saqlap qaldı.

Dragi iq’tisad ministrlığı başına üzenä tuğ’ri dip beldergän İtaliyä üzäk bankı räise urınbasarı Daniêle Frankonı quydı, iq’tisadi üseş ministrlığına isä çiktän tış uñçı Lig partiyäsennän Djankarlo Djorjettinı bilgeläde.  

Xökümät räise Dragi häm kabinetındağı ministrlar bügen ilbaşı qarşında ant itep wazıyfalarına kereşäçäk.



Bäyläneşle xäbärlär