Zelenskiy G7 ilçeläre belän bergä Donbassta

Ukraina İlbaşı idaräsennän yasalğan belderügä kürä, Zelenskiy G7 illäreneñ tulı wäqalätle ilçeläre belän bergä front töbägen qaradı häm xärbilär belän küreşep söyläşte.

2020nçe yılnıñ iyül’ ayında qabul itelgän kiñ qolaçlı utnı tuqtatunıñ 200nçe köne buluın assızıqlaçı Zelenskiy soñğı waqıtlarda Rusiyä yaqlı separatistlarnıñ höcümnäreneñ artuına qaramastan utnı tuqtatunıñ şaqtıy ğaskärineñ ğomeren qotqaruına iğ’tibarnı yünältte.

Zelenskiy, 2018nçe yılda 121, 2019nçı yılda 100, 2020nçe yılda isä 50 Ukraina ğaskäriyeneñ häläq’ buluına basım yasap, Avdiviyka frontında ülgän xärbilärneñ istälegenä çäçäk bäylämnären saldı häm tın tordı.

Donbass töbägendäge krizisnıñ çişeleşe belän bäyle bularaq Rusiyä, Ukraina häm OSCE Awrupa iminlek häm xezmättäşlek oyışmasınnan torğan Öç yaqlı êlemtä törkeme 2020nçe yılnıñ 27nçe iyül’dän başlap kiñ qolaçlı utnı tuqtatu qararın qabul itkän ide.

Töbäktä güya bäysezlegen iğ’lan itkän Rusiyä yaqlı separatistlar belän Kiev citäkçelege arasında 2014nçe yıldan birle däwam itkän bäreleşlärdä 13 meñnän kübräk keşeneñ ğomere özelgän.