M’yanmada rizasızlıq çaraları
ilneñ zur şähärlärendä tüntäreleşkä qarşı protestlarnıñ öçençe köne
M’yanmada xärbi tüntäreleşkä häm saylap quyılğan xökümät wäkilläreneñ saq astında totıluına qarşı rizasızlıq çaraları däwam itä.
“Myanmar Now” xäbär säxifäsendä çıqqan videolarda başqala Nepido, ilneñ iñ küp keşele şähärläre Yangon häm Pateynda meñnärçä keşeneñ tüntäreleşkä qarşı şiğar’lär qıçqıruı kürenä.
Rizasızlıq belderüçelärneñ kübese buddist monaxlar, êşçelär häm studentlar. Alar ilneñ liderı Aun San Su Çjinıñ partiyäse Milli demokratik berlekne wäkillek itüçe qızıl bayraqlar kütärä.
Yangondağı protestçılar “Liderıbıznı irekkä çığarığız”, “M’yanma öçen ğadellek” häm “Tüntäreleşkä – yuq” şiğar’läre qıçqıra.
Rizasızlıq çaraların oyıştıruçılarnıñ, ildä sośial’ media çeltärläre häm internetqa telefon aşa kerü tıyıluına qaramastan, Facebook häm Twitter aşa çaqıru yasawları iğ’tibarnı cälep itte.
İsegezgä töşeräbez, M’yanma armiyäse 2020nçe yılnıñ 8nçe noyabrendä uzğan saylawlarda xärämläşü buluın alğa sörep 1nçe fevral’dä il idaräsen üz qulına töşerde häm 1 yıllıq ğadättän tış xäl iğ’lan itte.
