Afrika Berlege sammitı tögällände

Anda koronavirus belän köräş häm mädäni mirasnı saqlaw xaqında söyläştelär

1579030
Afrika Berlege sammitı tögällände

Afrikalı liderlarnıñ dön’yanı basıp alğan koronavirus kizüe belän köräş häm qıytğadağı mädäni mirasnı saqlaw mäs’äläläre öçen cıyılğan 34nçe Afrika Berlege sammitı tögällände. Yomğaqlaw çığışın berlekneñ yaña çor räise häm Kongo demokratik cömhüriyäte ilbaşı Feliks Çisekedi yasadı. Ul mädäniyätsez cämğıyät’lärneñ – ruxsız buluın söyläde. Çisekedi Afrika Berlegeneñ 2021nçe yılda Senegaldağı Gora utrawın qabat tözü, Aljirdağı Böyek Afrika muzeyı, Misırdağı Böyek Misır muzeyı tözeleşe şikelle qıytğanıñ mädäni mirasın saqlaw poyektlarına yärdäm itäçägen belderde. Monnan tış, ul Awrupadağa alıp kitelgän Afrika mädäni mirası äsärlären kire qaytarunı taläp itäçäklären dä äytte.

Çisekedi citkergänçä, Arfika irekle säwdä kileşüendä operativ alğarış häm oyışmalardağı reformalarnı tizlätü öçen yaña proyektlar tormışqa aşırılaçaq. Ul Afrika Berlege räise bularaq wazıyfa başqarğan waqıtta Misır, Sudan häm Êfiopiya arasında Xedasi böyäse belän bäyle añlaşılmawçanlıqlarğa çişeleş tabu öçen tırışaçağına süz birde.



Bäyläneşle xäbärlär