"Liviyadağı barlıq yaqlarnı hӓm xalıqara aktyerlarnı nӓticӓlӓrgӓ xörmӓt belӓn qararğa çaqıram"
Bu xaqta BMO ğomum särqätibe belderde
Berlӓşkӓn Millӓtlӓr Oyışması ğomum sӓrqӓtibe Antoniu Guterriş Liviyӓdӓ saylawlarğa qadӓr yaňa waqıtlıça xökümӓtneň bilgelӓnüennӓn qanӓğӓt’ qaluın belderde,Liviyӓdӓge barlıq yaqlarnı hӓm xalıqara aktyerlarnı nӓticӓlӓrgӓ xörmӓt belӓn qararğa çaqırdı.
Ul Liviyӓdӓ waqıtlıça xökümӓtne bilgelӓw öçen ütkӓrelgӓn tawışqa quyu tögӓllӓngӓç hӓm nӓticӓlӓr iğ’lan itelgӓnnӓn soň BMO ğomum üzӓgendӓ matbuğat oçraşuı ütkӓrde ,waqıtlıça xökümӓtneň yaňa ӓğ’zaların tӓbrik itte.
Guterriş bu barışnıň Liviyӓdӓge böten aktyerlar tarafınnan qabul itelüen citkerde ,barlıq yaqlarnı nӓticӓlӓrne xörmӓt itӓrgӓ hӓm Liviyӓdӓ tınıçlıq urnaştıru öçen yaňa waqıtlıça xökümӓt belӓn xezmӓttӓşlek başqarırğa çaqırdı.
Berlӓşkӓn Millӓtlӓr Oyışması citӓkçelegendӓ Şveyśariyӓneň Jeneva qalasında cıyılğan Liviya sӓyӓsi dialog forumı ӓğ’zalarınıň tawış birüe nӓticӓsendӓ, 2021 nçe ylnıň 24 nçe dekabrendӓ ütkӓrü planlaştırulğan saylawğa qadӓr ,ilbaşı şurası başlığı itep Möxӓmmӓd Menfi, prem’yer-ministr itep Abdulhamid Dibeybe saylandı.