Marsqa atom-töş raketası cibäreläçäkme?

Älege raketa Qızıl planetağa aylar buyı däwam itüçe yulçılıq waqıtın tağın da qısqarta

1577504
Marsqa atom-töş raketası cibäreläçäkme?

2035nçe yılğa qadär Marsqa astronavt cibärergä planlaştıruçı NASA bu yulçılıqta atom-töş raketası qullanu mömkinlegen qarıy.

BBCneñ xäbärenä qarağanda, bu ısul belän 225 million çaqrım yıraqlıqtağı Qızıl planetağa oçış waqıtın yartılaş kimetergä mömkin.

Xäzerge texnologiyä belän Marsqa keşesez ğaläm yulçılığı kimendä 7 ay däwam itä. Keşe belän bulğanda 9 aydan artaçaq. Siêtldağı Ul’tra qurqınıçsız atom-töş texnologiyäläre şirkäte uylap tapqan yaña tör motor belän bu waqıtnı 3 ayğa qaldırırğa mömkin dip ışandıralar.

Oyışmanıñ injeneriya bülege cawaplısı Maykl İds atom-töş yağulığı belän êşläwçe raketalarnıñ bügen qullanıluçı ximik motorlarğa qarağanda ike tapqır köçleräk häm êffektiv buluın belderä. Alar ğaläm korablarınıñ tağın da tiz oçuın häm yıraqqaraq kitüen täêmin itä.  Yulçılıq waqıtı kimegän sayın astronavtlar ğaläm radiaśiyäsenä tağın da azraq duçar bulaçaq.  Älege nurlanış üzäk nerv sisteması xastalığı, degenerativ çirlär häm yaman şeş qurqınıçın arttıra.  



Bäyläneşle xäbärlär