Äfğanstan törmälärendä - ğazap

Äfğanstan törmälärendä mäxkümnärneñ bik awır şartlarda totıluı belderelde. BMOnıñ Äfğanstan yärdäm missiyäsennen belderülärençä, andağı xoquqıy problemalarnı ozaq yıllar kürmämeşkä salışalar.

Missiyä xökümät kontrolendäge 63 törmädäge mäxkümnär belän oçraşıp xisap äzerlägän. “Äfğanstanda törmädä utıruçılarnı cäfalıylar häm alarğa naçar möğamälä kürsätelä,”-diyelä bu xaqtağı belderüdä.

Xökümätneñ mäxkümnärgä qarata köç qullanunı kimetü öçen tırışuına qaramastan, törmälärdä ğazaplawlarnıñ däwam itüeneñ borçu tudıruçı buluı assızıqlana. Mondıy mönäsäbät xalıqara xoquqqa ğına tügel, Äfğanstan qanunnarına da qarşı kilä.

Belderüdä Taliban kontrolendäge törmälärdäge wäzğıyät’ belän bäyle mäğ’lümat taba almawları citkerelde.

Ğazaplawlar turındağı şikayät’lärneñ kübese Kandagar töbägennän kilä.