AQŞ aviataşuçısın Yaqın Könçığıştan kire qaytardı

Amerika Quşma Ştatları “USS Nimitz” aviataşuçısın Yaqın Könçığıştan çigenderde

1576380
AQŞ aviataşuçısın Yaqın Könçığıştan kire qaytardı

Amerika Quşma Ştatları Saqlanu ministrlığı (Pentagon) süzçese Djon Kirbi oyıştırğan matbuğat oçraşuında İran belän yäşängän kiyerenkelek arqasında yaqınça 9 ay Yaqın Könçığışta qalğan AQŞ flotına bäyle “USS Nimitz” aviataşuçınıñ (avianoseśnıñ) Hind-Tın okeanı köçläreneñ (INDO-PACOM) operaśiya töbägenä cibärelüen açıqladı.

Ber jurnalistnıñ sorawı uñayınnan Kirbi bu qorab urınına başqa ber oçqıç köymäseneñ Yaqın Könçığışqa cibärelüe mäs’äläsendä plannarınıñ bulmawın belderde.

Aviataşuçınıñ Yaqın Könçığıştan çigenderelüeneñ strategik säbäbeneñ bulmawın yaqlawçı Kirbi avianoseśnıñ kirägennän kübräk diñgezdä qaluın häm Amerika Quşma Ştatlarına qaytaçağın assızıqladı.

Töbäktän qaytarılğan aviataşuçı urınına başqa ber qorabnıñ cibärelmäwe Djo Bayden citäkçelegeneñ İran belän bäyle kiyerenkelekne azaytu tırışuı bularaq añlatıla.



Bäyläneşle xäbärlär