Borrell Rusiyägä säfär yasıy

Ul 2017nçe yıldan birle älege ilgä barğan täwge AB yuğarı wäkile bulaçaq

1574620
Borrell Rusiyägä säfär yasıy

Awrupa Berlege tışqı mönäsäbätlär häm iminlek säyäsäte yuğarı wäkile Djozef Borrell bu atnada Rusiyägä säfär yasıy. Ul 2017nçe yıldan birle älege ilgä barğan täwge AB yuğarı wäkile bulaçaq.

Djozef Borrell Rusiyägä 4nçe fevral’dä kitär dip kötelä. İke könlek säfäre qısasında ul tışqı êşlär ministrı Sergey Lavrov häm başqa wäqalätlelär belän oçraşırğa planlaştıra.

Martta uzaçaq Awrupa Berlege liderlar sammitında Rusiyä belän mönäsäbätlär qaralaçaq. Älege çara aldınnan yasaluçı bu säfär isä yaqlarnıñ üzara bäyläneşlär xaqında tağın ber qat söyläşüe öçen ähämiyätle.   

Awrupa Berlege yuğarı wäkile Borrell oçraşular waqıtında Rusiyäneñ Ukrainadağı ğamälläre, İran belän atom-töş kileşüen däwam itterüneñ ähämiyäte, koronavirus kizüe, oppoziśioner Aleksey Naval’nıynıñ ağulanuı häm qulğa alınuı şikelle mäs’älälärne kön üzägenä quyaçaq.



Bäyläneşle xäbärlär