2 million ürdäk yuq itelde

Franśiyädä qoş grippı kizüe belän köräş qısalarında yaqınça 2 million ürdäk yuq itelde. İlneñ azıq-tölek häm awıl xucalığı ministrı Jül’yen Denormandi 8 töbäktä älege virus yoqtırunıñ oçraqları kürelüen belderde.

“390ğa yaqın fermada qoş grippı oçraqları açıqlandı. Monıñ ber genä çişeleş yulı bar – kisätü öçen yuq itü, yäğ’ni virusnıñ taraluın şul räweşle kirtäläw. Bu säbäple yaqınça 2 million ürdäkne yuq ittek,”-dide ministr.  

Denormandi virusnıñ qoşlardan qoşlarğa yoğuın, keşelärgä küçü qurqınıçı bulmawın assızıqladı. Şuña da yomırqa, tawıq häm ürdäk ite aşawdan zıyan yuq.

Franśiyäneñ kön’yaq-könbatışındağı töbäklärdä 2015-2016nçı häm 2016-2017nçe qış sezonnarında bulğan 2 qoş grippı kizüendä millionnarça xaywan yuq itelgän ide. Bu ilneñ êksport keremnärenä zur zarar kiterde.