Zelenskiy: "Qıynawçılarnı tabığız häm cäzaların biregez"

Ul Parijda 10 keşe tarafınnan qıynalğan ukrainalı yäşüsmer xaqında belderü ysadı

1570689
Zelenskiy: "Qıynawçılarnı tabığız häm cäzaların biregez"

Ukraina däwlät başlığı Vladimir Zelenskiy 15nçe ğıynvarda Franśiyäneñ başqalası Parijda uqudan qaytışlıy üterä yazıp qıynalğan häm xastaxanädä reanimaśiyädä yatuçı 14 yäş’lek ukrainalı uquçığa höcüm itüçelärneñ tabıluın häm xökemgä tartıluın teläde. Ul Telegram kanalında älege oçraqnıñ qansızlığı häm näfrät tulı buluı xaqında yazdı.

“Monı kem êşläde? Videoda kürengänçä, yä yäş’täşläre, yä beraz zurraqlar. 1gä qarşı 10 keşe. Alarnıñ kisä torğan qoralları bar.  Maqsatları yä üterü, yä ğarip qaldıru.

Zelenskiy qıynalğan yäşüsmerneñ reanimaśiyädä yatuın häm xäleneñ bik awır buluın assızıqladı.  “Ğayeplelärne tabığız häm cäzaların biregez,”-dip möräcäğat’ itte ul Franśiyä idaräsenä. “Bu barı bezneñ telägebez tügel, bu mädäniyätlelek mäs’äläse. Här ildä mondıy awır höcümgä qarşılıq küreler,”-dip yazdı Zelenskiy.



Bäyläneşle xäbärlär