Naval'nıy häm Kreml': qarşılıq däwam itä
İrtägä planlaştırılğan protest çaralarına qarşı citdi kisätülär yasala
Kreml’ süzçese Dmitriy Peskov qulğa alınğan oppoziśioner Aleksey Naval’nıyğa teläktäşlek maqsatınnan irtägä planlaştırılğan protest çaralarınıñ qanunsız häm qabul itelmäs buluın citkerde. Ul jurnalistlarğa yasağan belderüendä mitinglarnıñ röxsätsez buluına iğ’tibarnı cälep itte.
“Monda bezneñ ber genä poziśiyäbez bar. Bu – qanunnarnı qatğıy räweştä ütäw häm röxsätsez çaralarnı oyıştırunıñ, bigräk tä balalarnı häm yäş’lärne anda qatnaştıru provokaśiyäläreneñ qabul itelmäs buluı belän bäyle.
Peskov äytüençä, Rusiyä êçke êşlär ministrlığı häm mäğarif ministrlığı watandaşlarnı bu xaqta kisätkän. Ä Roskomnadzordan sośial’ media säxifälärendä yäş’lärne röxsätsez çaralarğa qatnaşırğa çaqıruçı yazmalarnı beterüne taläp itkännär.
Rusiyädäge YouTube, TikTok häm İnstagram şikelle sośial’ media säxifäläre yäş’lärne röxsätsez protestlarda qatnaşırğa çaqıruçı yazmalarnı sörtä başladı.
17nçe ğıynvarda qulğa alınğan häm 15nçe fevral’gä qadär izolyaśiyädä totılaçaq Naval’nıy 23nçe ğıynvarda härkemne uramnarğa protest çaralarına çığarğa çaqırdı.
Oppoziśioner törmägä kergännän soñ Youtube kanalında Naval’nıy häm törkeme tarafınnan êlegräk töşerelgän “Putin öçen Saray: iñ zur rişwätneñ tarixı” dip ataluçı video çıqtı. Anı rekord sanda qaradılar.
