Bayden wazıyfasın Trampnıñ qararların yuqqa çığaru belän başladı

Kiçä AQŞnıñ yaña ilbaşı ant itep êşenä kereşte

1567990
Bayden wazıyfasın Trampnıñ qararların yuqqa çığaru belän başladı
Joe Biden.jpg
joe-biden-yemin-toreni.jpg
Biden yemin.jpg

AQŞta 3nçe noyabr’dä uzğan saylawlardan soñ yaña idarä wazıyfasına kereşte.

Saylanğan ilbaşı Djo Bayden häm täwge xatın-qız viśe-prezident Kamala Xarris tantanalı räweştä ant itep urınnarın aldı.

Bayden häm Xarris inauguraśiyädän alda Vaşingtondağı İzge apostol Matvey soborına bardı, annan Kongressqa kitte. Anda Törkiyä waqıtı belän säğat’ 20.00dä ant itü tantanası başlandı.

Yaña ilbaşı Baydennıñ ant itüdän soñğı berençe süzläre “Bügen demokratiyä, tarix häm ömet köne” buldı. Ul ildäge säyäsi ayırıluğa da qağıldı. “Śivilizaśiyäbezgä kileşmi torğan bu suğışnı tuqtatırğa kiräk,”-dide ilbaşı.Ul awırlıqlarnı barı berdämlek belän genä ciñä alaçaqlarına basım yasadı.

“Barlıq amerikalılarnıñ ilbaşı bulaçaqmın”-dide Bayden.
“İttifaq mönäsäbätlären tözekländeräçäkbez häm dön’ya belän qabat yaña mönäsäbätlär töziyäçäkbez,”-dip ışandırdı ul.

Soñınnan ilbaşı anıñ urınbasarı häm xäläl cefetläre xärbilärne sälamläde. Bu tantana – tradiśiyä. Ul xakimiyätneñ yaña başkomandirğa tınıç räweştä tapşırıluın simvollaştıra.

Sälamläwdän soñ Bayden Aq Yortqa kerde häm ilbaşı bularaq täwge qararlarnı imzaladı. Berençese – federal’ bina häm kampuslarda Kovid-19 säbäple bitlek kiyüne mäcbüri qıluçı dokument ide. Monnan tış, Bayden global’ cılınuğa ışanmawçı Tramp çıqqan Parij klimat kileşüenä qabat kerü häm Bötendön’ya sälamätlek saqlaw oyışmasına kire qaytu belän bäyle qararlarnı imzaladı. Ul Trampnıñ qayber möselman däwlätlärgä qarata säyäxät itüne tıyuın da beterde. Bayden Meksika çigendä kütärelüçe divarğa bülengän aqçanı kisü xaqındağı dokumentqa qul quydı.

Yaña ilbaşı Aq Yorttağı berençe könendä tulayım 17 qarar imzaladı. Ul Oval bülmädä jurnalistlarğa yasağan belderüendä Donal’d Trampnıñ üzenä bik yumart xat qaldıruın, ämma anıñ êçtälege belän urtaqlaşa almawın citkerde.



Bäyläneşle xäbärlär