Şaxtada qalğan 12 êşçe 1 atnadan qotqarıldı
Qıtayda altın şaxtasındağı êzläw-qotqaru êşläre däwam itä
1566031
Qıtaynıñ Şandun’ töbägendäge Yentay şähärendä ber atna êlek altın şaxtasında şartlaw bulğan ide. Anda 22 êşçe êçtä qaldı. Ber atnada alarnıñ 12sen isän-imin qotqardılar. Qalğan 10 şaxtaçını êzläw-qotqaru êşläre däwam itä.
Asta qalğan êşçelärgä ireşü öçen qoyı qazıdılar häm qorıç arqannar töşerdelär. Şulay itep şaxtaçılarnıñ isän buluları açıqlandı.
Wäqalätlelär şaxtanıñ bişençe blokta - 11, altınçı blokta isä 1 keşeneñ barlığın bilgeläde.
Cimereklär astındağı 12 êşçe qotqaru törkemnärenä kiräk bulğan darularnı häm astağı wäzğıyät’ne añlatıp yazğan qäğaz’ cibärde. Ber atna buyı alarnı qotqaru öçen qızu êşçänlek alıp barıldı. Näticädä 12 şaxtaçı astan çığarıldı.
Älegä êlemtä urnaştırılmağan10 êşçene êzläw däwam itä.