Könçığışta Kovid-19: soñğı sannar

Dön’yada koronavirus kizüendä ğomere özelüçelär sanı 2 million 41 meñ 289dan arttı.

Yoqtıru oçraqları 95 million 555 meñnän, sawığuçılar isä 68 million 271 meñnän artıq.

Hindıstanda virustan 152 meñ 456 keşeneñ ğomere özelde. İldä infekŝiyalelär sanı da 10 million 572 meň 672gä citte.

Afrika qıytğasında virustan soñğı ber köndä 79 meñ 11 keşe yaqtı dön’yadan kitte. Qıytğada koronavirusnı barlığı 3 million 278 meñ 299 keşe yoqtırdı. İñ küp ülem Kön’yaq Afrikada kürelde. Anda Kovid-19 37 105 keşeneñ ğomeren özde.

Kovid-19dan Tunista 5692 keşe ülde. Awıruçılar sanı 180 meñ 90 bulğan ildä kizü belän köräş çaraları protest itelde. Protestçılar belän poliŝiya arasında bäreleş çıqtı. Kim digändä 200 rizasızlıq belderüçe qulğa alındı.

Kovid-19 Marokkoda 7942, Misırda 8583, Paqıstanda 10 997, Rusiyädä 66 037, İranda 56 886, İndoneziyada 26 282, Ğıyraqta 12 944 can aldı.