İndoneziyädä cir teträw

Könbatış Sulavesi töbägeneñ Majene şähärendä 6,2 ball zurlığında cir teträw buldı

1564204
İndoneziyädä cir teträw

İndoneziyanıñ Könbatış Sulavesi töbägeneñ Majene şähärendä 6,2 ball zurlığında cir teträw buldı. Anda 35 keşeneñ ğomere özelde.

İlneñ afätlär belän idarä itü agentlığınnan belderülärençä, zilzilädä 637 keşe yaralanğan, Könbatış Sulavesi guberniyäsendä ber xastaxanä cimerelgän.  Töbäktä, monnan tış, êlektr häm êlemtä çeltärlärendä özekleklär çıqqan.

Könbatış Sulavesi afätlär belän idarä itü agentlığı citäkçese Darno Majid cir teträwdä 10 öyneñ cimerelüen, yaqınça 100 yortnıñ zur zarar kürüen belderde.

Cirlektä êzläw-qotqaru êşläre däwam itä.

Cir teträwdän soñ imin urınnarğa êvakuaśiyälänüçelär sanı 15 meñgä citkän.

Meteorologiyä, klimat häm geofizika oyışması wäqalätleläre zilzilädän soñ xäzergä qadär 26 waq teträw buluın belderde. Alar işelü qurqınıçı buluın citkerä häm xalıqnı zur binalardan yıraq torırğa çaqıra.

Cir teträwneñ üzäge Majene şähärennän 6 çaqrım yıraqlıqta häm 10 kilometr tiränlektä terkälde. Anı Palu häm Makasar şähärlärendä dä xis ittelär.



Bäyläneşle xäbärlär