İran yaña atom-töş yağulığı çığarmaqçı

İrannıñ BMO Vena ofisındağı daimi wäkile, ilçe Kazım Garib Abadi: “Tähran tikşerenü reaktorı öçen uylap tabılğan ber yağulıq tören proyektlıy başladı,”-dip belderde. Ul Twitterdan urtaqlaşqan yazmasında bu xaqta Xalıqara atom ênergiyäse agentlığına xäbär birelüen dä äytte. İlçe citkergänçä, berençe êtapta metal uran citeşterü öçen tabiğıy uran qullanılaçaq.  

Şunı da äytergä kiräk, 2015nçe yılda imzalanğan häm kiñ cämäğat’çelektä İran atom-töş kileşüe bularaq bilgele “Komplekslı urtaq êş planı” älege ilgä plutoniy yäisä uran metallurgiyäse tarmağında tikşerenü alıp barunı röxsät itmi. Metal uran atom-töş qoralı yasawda qullanıla, şuña da belgeçlär anı bik çeterekle mäs’älä bularaq bäyäli.