Könbatışta koronavirus: soñğı sannar

Könbatış illärendä Kovid-19 belän bäyle soñğı sannar

1562602
Könbatışta koronavirus: soñğı sannar
super foto fransa korona.jpg
super covid19 meksika

Dön’yada koronavirus säbäple ğomere özelüçelär sanı 1 million 970 meñ 394 buldı. Virusnı yoqtıruçılar isä 92 million 22 meñnän, sawığuçılar 65 million 865 meñnän arttı.

AQŞta Kovid-19 belän bäyle ülemnär 389 meñ 621 buldı. İldä çirne yoqtıruçılar sanı 23 million 369 meñ bularaq terkälde. Awırularnı kontrol’dä totu häm profilaktikalaw üzäge 26nçı ğıynvardan başlap ilgä hawa yulı belän kilüçelärneñ Kovid-19 testı näticäläre soralaçağın citkerde. AQŞta koronavirusqa qarşı vakśinalaştıru programmasında östenlek birelgän törkemnärgä qarata bik qatı qağıydälär säbäple preparat dozaları qullanılmıyça çüpkä kitä başladı. Şunnan soñ ştatlarnıñ wäqalätleläre qağıydälärne yomşartırğa mäcbür buldı.   

Braziliyädä Kovid-19dan ülüçelärneñ sanı 204 meñ 726ğa citte. İldä yoqtıru oçraqları - 8 million 195 meñ.

Meksikada kizü säbäple üşlüçelär sanı 135 meñ 682gä, yoqtıru oçraqları isä 1 million 556 meñgä citte. Sälamätlek saqlaw ministrı urınbasarı X’yuğo Lopes-Gatell beldergänçä, ildäge 32 töbäktä 1 meñ keşelek törkem här atna 439 meñ keşegä Kovid-19 vakśinasın qadayaçaq.

Angliyädä virus säbäple soñğı 24 säğat’tä 1 meñ 243 keşe ülde, 45 meñ 533 yaña oçraq terkälde. Şulay itep, älege ildä kizüneñ başınnan birle ğomere özelüçelär sanı 83 meñ 203, yoqtıruçılar isä 3 million 164 meñ 51 buldı.

İtaliyädä kizü säbäple soñğı 24 säğat’tä 616 keşeneñ ğomere özelü belän ülüçelär sanı 79 meñ 819ğa citte. Virusnı yoqtıruçılar 14 meñ 242gä arttı häm 2 million 303 meñ 263 keşe täşkil itte. İldä vakśina yasalğannarnıñ sanı 731 meñ 539.

Franśiyädä virustan ülüçelär sanı 68 meñ 802, yoqtıruçılar – 2 million 506 meñ.

İspaniyädä Kovid-19 säbäple ğomere özelüçelärneñ sanı 52 meñ 683 buldı. İldä yoqtıruçılar 2 million 137 meñgä citte.

Germaniyädä kizü arqasındağı ülemnär 43 meñ 203, awıruçılar – 1 million 957 meñ bularaq terkälde.



Bäyläneşle xäbärlär