Ğıyraqnıñ iñ zur neft’ êşkärtü ob’yektı qabat êşli başladı

Anı 7 yıl êlek DEAŞ terrorçıları yuq itkän ide

1562448
Ğıyraqnıñ iñ zur neft’ êşkärtü ob’yektı qabat êşli başladı

Ğıyraqnıñ Salahaddin şähärendä DEAŞ terrorçı oyışması höcümnäre arqasında cimerelgän ilneñ iñ zur neft’ êşkärtü ob’yektı Bäyci 7 yıldan soñ qabat êşli başladı.

Ğıyraq neft’ ministrlığınnan belderülärençä, Bäyci êşxanäsen tözekländerü tögällände. Ul könenä 70 meñ barrel’ qara altın citeşterä başlağan. DEAŞ terrorçı oyışmasınıñ höcümnärenä qadär anda ber köndä 280 meñ barrel’ neft’ çığarıla ide. Citeşterüne arttıru öçen êşçänlek bara.

İlneñ zur öleşeneñ yağulıq ixtiyacın qanäğat’länderüçe Bäycine 2014nçe yılnıñ iyünendä DEAŞ terrorçıları qulğa töşerde. Cimerelgän ob’yektnı 2015nçe yılda Ğıyraq iminlek köçläre qabat kontrol’ astına aldı.


 



Bäyläneşle xäbärlär