İndoneziyada kilep töşkän oçqıçtan signal alındı

İndoneziyada kiçä kütärelep kitkännän soñ 5 minut ütügä diñgezgä kilep töşkän yulçı oçqıçınnan signal alınuı belderelde.

Ğomumştab başlığı Xadi T’yadjanto başqala Jakartanıñ tön’yağındağı Tandjung Priok portındağı krizis üzägenä kilde. Anda ul radar küzätülärendä köçle signal aluların äytte. Ul mäydanğa maxsus dayver törkemnäre cibärelgän. Armiyäneñ oçqıç häm köymäläre êzläw-qotqaru êşçänlege öçen kiterelgän.

Jakarta poliśiyä idaräse süzçese Yusri Yunus moña qadärge êşçänlek näticäsendä yulçılarnıñ qayber äyberläre häm gäwdä öleşläre tabıluın citkerde.

Oçqıçta 12 keşelek êkipaj häm 50 yulçı bulğan. Ul başqala Jakartadan kütärelep kitkännän soñ Laki häm Lankang utrawı arasındağı noqtağa kilep töşä. Êzläw –qotqaru êşçänlege şul mäydanda alıp barıla.

İndoneziya flotı yulçı oçqıçınıñ cimerekläreneñ 4 ayırım noqtağa taraluın belderde.