Yaponiyädä qar burannarı: 29 ülem

İldä dekabr' ayı urtasınnan birle qar burnnarı qotıra

1559300
Yaponiyädä qar burannarı: 29 ülem

Yaponiyädä soñğı 3 atnada qar burannarı dulıy. Naçar hawa şartları säbäple 29 keşeneñ ğomere özelde. Köçle burannar arqasında 400dän artıq oçqıç säfäre ğamäldän çığarıldı. Yamagata töbägendä tizyöreşle poyızd säfärläre atna axırına qadär tuqtatıldı.

Dekabr’ ayı urtasınnan birle yawuçı qar tön’yaqtağı Akita töbägeneñ Yokote rayonında rekord däräcägä citte. Cirlekkä saqlanu quätläre berlekläre kiterelde. Alar êzläw-qotqaru êşläre alıp bara.

Yaponiyä meteorologiya agentlığı ilgä tağın da suıq hawa kilüen häm atna axırına qadär köçle qar yawuı kötelüen belderde.

Toxoku häm Xokuriki töbäklärendä qar tiränlege ğadättägedän 3 tapqır qalınraq. Cirleklärdä qar taşqını töşü nisbätennän kisätü yasala.

Belgeçlär Yapon diñgeze yarlarında däwam itüçe burannardan soñ qar tiränlegeneñ ber köndä 120 santimetrğa citäçägen farazlıy.



Bäyläneşle xäbärlär