Kön’yaq Sudanda açlıq krizisı
İl xalqınıň yartısınnan kübrӓgenӓ açlıq qurqınıçı yanıy
Yaqınça 10 million xalqı bulğan Kön’yaq Sudanda xalıqnıň yartısınnan kübrӓgenӓ açlıq qurqınıçı yanıy.
Xalıqara qotqaru komitetınıň Kön’yaq Sudan direktorı Karolina Sekyeva Kovid -19 pandemiyӓseneň tormış şartlarına tiskӓre yoğıntı yasawın belderӓ.
Ul: “Kön’yaq Sudan xalqı bolay da azıq-tölek probleması belӓn körӓşӓ ide. Bӓreleşlӓr, iq’tisadi krizis, yoğışlı awırular hӓm tabiği ӓfӓtlӓr xӓlne tağın da naçarayttı. İldӓ 7 million keşe açlıq qurqınıçı astında”,- dip citkerӓ.
Sekyeva ӓytüençӓ, il xalqınıň yartısınnan kübrӓge yӓrdӓmgӓ moxtac.
Ul il külӓmendӓ 1 million 700 meň keşeneň çiktӓn tış açlıq belӓn körӓşüenӓ basım yasıy.
BMO oyışmaları Kön’yaq Sudanda bӓreleşlӓr küzӓtelgӓn qayber töbӓklӓrne humanitar yӓrdӓmgӓ açarğa kirӓk, yuğisӓ açlıq arqasında zur afӓt bulırğa mömkin dip kisӓtӓ.
Watandaşlar suğışı betügӓ qaramastan qayber töbӓklӓrdӓ êtnik törkemnӓr arasında bӓreleşlӓr dӓwam itkӓn ildӓ iq’tisadi krizis, êpidemiya hӓm su basularnıň tiskӓre yoğıntısı tormış şartların tağın da qatlawlandıra.
