Möhacir balalar lagerına höcüm

Greśiyädä qarawçısız qalğan möhacir balalarnıñ lagerena höcüm ittelär. Cirle matbuğattağı xäbärlärgä qarağanda, waqıyğa tönge säğat’lärdä bula. Rasaçıl törkem pıçaq, armatupa häm tayaq belän qorallanıp Soloniki yänäşäsendä urnaşqan lager’ğa kilä häm anda tawış quptara. Alar rasaçıl şiğar’lär qıçqıra.

Törkem soñınnan lager’da balalar yäşäwçe bülemgä kerergä mataşa. Alarnı tirä-yün’dägelär häm lager’ xezmätkärläre totqarlıy.  

Advokat Todoris Karayannis matbuğatqa yasağan belderüendä bu waqıyğa xaqında töbäk prokuraturasına şiqayat’ yazaçağın äytte.  

Älege töbäktä 2016nçı häm 2017nçe yıllarda qaçaq lager’larına rizasızlıq belderüçe törkemnär rasaçıl demonstraśiyälär häm kiñ külämle çualışlar oyıştırğan ide.