Germaniyä qaçaqlarnı deportaśiyäli başlıy
Cinayät'tä ğayeplängän süriyälelär illärenä cibäreläçäk
1553397
Germaniyä êçke êşlär ministrı Xorst Zeexover kiläse yıl başınnan Süriyägä deportaśiyälär başlanaçağın belderde. Ul “Bild am Sonntag” gazetına birgän interv’yusında federal’migraśiyä häm möhacirlär dairäse räise belän 2021nçe yılnıñ 1nçe ğıynvarınnan dos’yelarnı centekläp tikşeräçäklären äytte. Anıñ äytüençä, deportaśiyälänüläre mömkin kürenüçelär şaqtıy. “Bu ozın häm awır prośess bulaçaq,”-di ul.
Zeexover, moña qaramastan, deportaśiyäläwne kiräkle dip sanıy. “Monı êşlämäsäk, Germaniyädä deportaśiyälänüdän qurıqmıyça kibettä urlawdan başlap keşe üterügä qadär här cinayät’ne êşläw mömkin dip uylayaçaqlar,”-di ul.
Ministr awır cinayät’ êşläwçelär yäisä Konstituśiyäne xörmät itmäwçelärneñ ildän kitäçägen belderde.