Kanalizaśiyä çoqırında kisäkle altınnar tabıldı

Drenaj yulın çistartu öçen kanalizaśiyä çoqırına töşüçelärne syurpriz kötä

1552326
Kanalizaśiyä çoqırında kisäkle altınnar tabıldı

Bel’giyä başqalası Brüssel’dä êşçelär kanalizaśiyä çoqırında 100 meñ yevrolıq altın taptı. Çistartu törkeme älege kötelmägän syurprizğa drenaj kanalın açırğa mataşqanda yulığa. Kanalizaśiyä çoqırında alarnı 2 kisäk altın qoyılması kötä.

Altınnarnı tabuçılar poliśiyägä xäbär birä. İminlek xezmätläre qoyılmalarnıñ qaydan kilüe häm kemneke buluın açıqlaw öçen tikşerü başladı. Ägär 6 ay êçendä altınnarnıñ xucası päyda bulmasa, alarnı tapqan keşelärgä biräçäklär.

Mondıy tabıldıqlar, bik siräk bulsa da, ikençe ber Awrupa däwläte Şveyşariyädä atıq sularda oçraştırğalıy. Anda altın şikelle qıymmätle metallarnıñ tabıluı şaqqatqıç tügel.  

Şveyśariyä su tikşerenüläre institutı mäğ’lümatlarına qarağanda, ildä här yıl atıq sularda yaqınça 3 tonna kömeş häm 43 kilo altın tabıla. Älege qıymmätle metallarnıñ ildäge qazılma baylıqlar êşkärtü ob’yektlarınıñ atıq sularınnan kilüe farazlana.



Bäyläneşle xäbärlär