Könçığışta koronavirus

Könçığışnıñ qayber illärendä koronavirus belän bäyle soñğı sannar

1550546
Könçığışta koronavirus

Dön’yada koronavirus säbäple ğomere özelüçelär sanı 1 million 724 meñ 320dän arttı. Yoqtıru oçraqları – 78 million 376 meñnän, sawığuçılar 55 million 144 meñnän kübräk.

Afrika qıytğasında kizü arqasında 60 meñ 153 keşe yaqtı dön’ya belän xuşlaştı. Yoqtıruçılar sanı 2 million 560 meñ 363kä citte. Kovid-19 belän bäyle iñ küp yuğaltu Kön’yaq Afrika däwlätendä terkälde – 25 meñ 246 keşe. Misırda 7 meñ 167, Marokkoda isä 7 meñ 30 keşeneñ ğomere özelde.

Seyşel utrawlarında älegä qadär virustan ülem oçrağı turında xäbär kilmäde.

Kön’yaq Afrikada yoqtıru oçraqları 940 meñ 212gä citte. Annan soñ 420 meñ 648 oçraq belän Marokko häm 127 meñ 61 awıru belän Misır kilä.   

Êritreyada kizüneñ başınnan birle täwge tapqır koronavirustan ber keşe ülde. İldä yoqtıru oçraqları sanı 832gä citte.

Tön’yaq Kipr törek cömhüriyätendä koronavirus belän köräş qısalarında östämä kisätü çaraları kertelde. Soñğı 14 kön êçendä Angliya, Niderland, Daniya häm Kön’yaq Afrikada buluçılarnıñ ilgä kerüe tıyıldı. Yabulı urınnarda häm 1,5 metr sośial’ ara saqlaw mömkin bulmağan urınnarda  bitlek kiyü mäcbüriläşterelde.

 



Bäyläneşle xäbärlär