Bäreleşlärne tuqtatırğa süz birde
Êfiopiyädäge êtnik bäreleşlär artında kem tora?
Êfiopiyä xökümäte räise Abiy Äxmät ilneñ könbatışındağı Benişangul’ Gumuz töbägendäge êtnik bäreleşlär häm köç qullanularnı tuqtatırğa süz birde. Anda kemlekläre bilgesez keşelär tarafınnan höcümnär yasala.
Abiy Äxmät töbäktä yäşäwçelär belän oçraştı. Cıyılışta ul iminlek problemasınıñ çişeläçägen häm ğayeplelärneñ mäxkämä qarşına çığaçağın citkerde.
Xökümät räise êfiopiyälelärne däwlätneñ berlegen saqlarğa çaqırdı. Anıñ äytüençä, töbäktä başlanğan iminlek operaśiyäse ber yaqqa da östenlek birmiçä alıp barılaçaq.
Abiy Äxmät tärtipne saqlıy almağan cirle idaräçelärgä qarata kiräkle adımnar yasalaçağın da ışandırdı.
Älege töbäktä Nil yılğası basseynındağı däwlätlär arasında krizisqa kitergän Xedasi böyäse bar. Biredäge höcümnärneñ, ayırım alğanda, amxara êtnik törkemenä qarşı alıp barıluı bilgele.
Xökümät fikerençä, bäreleşlärneñ artında fetnäçe Tigray xalıq bäysezlek frontı tora.