Altın şaxtasında - büre balası

Kanadanıñ Yukon töbägendä altın şaxtasında çıqqan tabıldıq tikşerenüçelärne şaqqattırdı. Ul - 57 meñ yıllıq büre balası fosili. Fänni törkem 2016nçı yılda tabılğan xaywan qaldıqları belän bäyle qayber açışlarnı äle genä citkerde.

Belgeçlär äytüençä, taşqa äwerelgän qaldıqlar siräk oçrıy torğan tör häm iskitkeç räweştä saqlanğan. Tikşerenüdä qatnaşuçı paleontolog Djuli Miçen bolay dip söyli: “Ul çornıñ xäzergä qadär tabılğan iñ tulı mumiyälängän sorı bürese. Ulqadär tulı häm şul tiklem nıq ki, xätta yonnarı da tora. Här närsäse urınında. Êçke organnarı da yaxşı. Tirese, yonı häm organnarı bulğan xaywannan, qorı söyäklärgä qarağanda, tağın da kübräk närsä öyränä alabız”.

Bozlıq çorında yäşägän xaywannıñ fosilenä Yukon töbäge aborigennarınıñ Han telendä büre mäğ’näsendäge Jur ataması birelde.

Tikşerenüçelär, törle täcribälär häm analizlar uzdırğannan soñ, büre balasınıñ ülgändä barı 7 atnalıq buluın açıqladı.

Jur  Uaytxors şähärendäge Beringia muzeyındağı kürgäzmägä quyıldı.