Paşinyan çirkäwdän quıldı

Çirkäwdä ülgän ğaskärilär öçen dini cıyın oyıştırılğan ide

1549264
Paşinyan çirkäwdän quıldı

Azärbaycanğa qarşı Tawlı Qarabaxta ciñelgän Ärmänstan prem’yer-ministrı Nikol Paşinyan ruxani tarafınnan çirkäwdän quıldı.

Ärmänstanda Qarabaxtağı suğış betüeneñ 40nçı könendä ğomere özelgän ğaskärilär öçen Yerevanda 19 dekabr’dän başlap 3 könlek räsmi matäm iğlan itelde.

Azärbaycan yaw astındağı cirlären azat öçen başlatqan Qarabax operaŝiyasennän soñ Ärmänstan xökümät räise berençe tapqır xalıq belän oçraştı.

Paşinyan çirkäwdä yaqtı dön’yadan kitkän ğaskärilär öçen oyıştırılğan dini cıyında ruxaniğa qulın suzdı. Ruxani Paşinyanğa reakŝiya kürsätep, qulın suzmadı, annarı işekkä işarät itte.

Çirkäwdän quılğan Paşinyan yanındağı saqçılarğa “kitäbez” diyep, çirkäwdän çıqtı.



Bäyläneşle xäbärlär