Çili däwläte başlığına selfi öçen ştraf saldılar
Sebast’yan Pinera bitleksez selfi yasawı öçen tänqıyt' utına totıldı
1549069
Çili däwläte başlığı Sebast’yan Pinera bitleksez selfi yasap koronavirus qağıydälären bozuı öçen 3500 dollar ştrafqa tartıldı.
BBC xäbärenä qarağanda, Pinera, şulay uq bitleksez ber xanım belän töşkän fotosı internetta taralğannan soñ, ğafu ütende.
Däwlät başlığı Kaçagua şähärendä öyenä yaqın bulğan plyajğa bara. Anda ber xanım Pinera belän bergä fotoğa töşergä teläk belderä. Däwlät başlığı selfi yasağanda bitlegen sala. Xalıqnıñ rizasızlıq belderüennän soñ ul yalğışın qabul itte.
Çilidä ictimağıy mäydannarda bitlek kiyü bik qatğıy räweştä quyılğan. Anı bozuçılarğa zur külämdä ştraf häm, xätta, törmä cäzası qaralğan.
