Traktorlar belän parlamentqa

Moldovada fermerlar protest çarası uzdıra

1547031
Traktorlar belän parlamentqa

Moldovada xökümätneñ kitüen taläp itüçe fermerlar traktorları belän parlament işegaldına kerergä mataştı. Başqala Kişinevta protest çaraları uzdı. Fermerlar cäyge qorılıqtan zarar kürgännän soñ xökümättän yärdäm soradı. Alar, şulay uq, igençelek tarmağında östämä bäyägä salım däräcäsen 8%tan 12gä kütärelüen küzallawçı qanun proyektına rizasızlıq belderä. Fermerlar älege dokument qarala torğan utırışnı traktorları belän bozarğa mataştı. Şunnan soñ poliśiyä häm protestçılar arasında bäreleş buldı. Tärtip saqçıları fermerlarğa küz yäşen çığaruçı gaz belän qarşılıq kürsätte.

İlneñ êçke êşlär ministrlığınnan belderülärençä, çaralarda 4 poliśiyä xezmätkäre yaralanğan. Waqıyğanı tikşerü êşe başlanğan.

Fermerlar monnan aldağı könne dä xökümät binası qarşında traktorlar belän rizasızlıq çarası uzdırdı.
 



Bäyläneşle xäbärlär