Rusiyä häm NATO - 10 yıldan soñ bergä
Alar ikese dä AMAN-2021 xärbi öyränülärendä qatnaşaçaq
1543316
Rusiyä häm NATO kiläse yılda Paqıstan sulıqlarında ütäçäk urtaq xärbi öyränülärdä 10 yıldan soñ qabat bergä qatnaşaçaq. Bu xaqta Rusiyäneñ Qara diñgezdäge xärbi flot komandalığınnan belderdelär. Anda äytelgänçä, AMAN-2021 xärbi öyränülärendä Rusiyäneñ korabları qatnaşaçaq. Çarada barlığı 30dan artıq däwlätneñ flotı buluı kötelä.
“Xärbi öyränülärdä Paqıstan, Rusiyä, Törkiyä, AQŞ, Qıtay, Yaponiya, İndoneziya häm Malayziya flotları qatnaşaçaq,”-diyelä belderüdä.
Rusiyäneñ xärbi korabları NATO dingez köçläre köymäläre belän soñğı tapqır 2011nçe yılda İspaniyä yarlarında uzğan öyränülärdä bergä qatnaşqan ide.
