Utnı tuqtatunı 4200 tapqır bozğannar

Süriyäneñ İdlib Kiyerenkelekne azaytu töbägendäge utnı tuqtatunı bozğan Beşar Äsäd rejimı belän İran xuplawındağı terrorçı törkemnär soñğı 9 ayda utnı tuqtatunı 4200 tapqır bozıp, 52 ğayepsez keşeneñ ğomeren özde.

Äsäd rejimı Törkiyä häm Rusiyä arasında mart ayında imzalanğan utnı tuqtatunı boza.

Yortsız qalğan grajdannar belän bäyle mäğlümat cıyuçı Süriyägä qatışu koordinatorlığı mödire Möxämmäd Xallaj Äsäd rejimı häm xuplawçılarınıñ Xäleb, Xama, Lazkiye häm İdlib vilayäte cirlegendä höcümnär oyıştıruın äytte.

Xallaj: “Äsäd rejimı häm İran xuplawındağı terrorçı törkemnärdän toruçı rejim köçläreneñ utnı tuqtatunı bozıp oyıştırğan 4200 höcümdä 52 grajdan yaqtı dön’yadan kitte,” – dide.

Xallaj mäcbüri räweştä cirlärennän quılğan grajdannar sıyınğan 2 şähärçek, 14 mäktäp, 1 sälamätlek saqlaw üzäge häm 9 mäçetkä dä rejim köçläreneñ höcüm oyıştıruın citkerde.