Könbatışta Covid-19
Könbatışta Kovid -19 belän bäyle soñğı mӓğ’lümatlar
Dön’yada koronavirus kizüendä ğomere özelüçelär sanı 1 million 537 meñgä citte.
Yoqtıru oçraqları 66 million 993 meñnän, sawığuçılar isä 46 million 367 meñnän artıq.
Amerika Quşma Ştatlarında virustan 287 meñ 842 keşeneñ ğomere özelde. İldä infekŝiyalelär sanı da 14 million 985 meň 142gä citte. Pew Research tikşerenü şirkäte uzdırğan anketağa kürä qatnaşuçılarnıñ 60%ı raslanaçaq koronavirus vakŝinasın yasatırğa teli. Qatnaşuçılarnıñ 18%ı vakŝina yasatmayaçağın belderde.
İtaliyada kizüdän ülüçelär sanı soñğı täwlektä 662gä artıp, 59 meñ 514 buldı, awırular sanı 1 million 709 meñ 991gä çıqtı.
Franŝiyada Kovid-19dan barlığı 54 meñ 981 keşe yaqtı dön’yadan kitte. 2 million 281 meñ 475 keşe infekŝiyale.
Koronavirus Braziliyada 176641, Meksikada 109456, Angliyada 61014, İspaniyada 46252, Argentinada 39632, Kolumbiyada 37633, Peruda 36231, Pol’şada 19861, Germaniyada 18975, Bel’giyada 17254, Çilida 15592, Êkvadorda 13756, Ukrainada 13588, Kanadada 12589, Rumıniyada 12186 can aldı.
