Klimat üzgäreşenä kemnär äzer?

Sälamätlek häm klimat üzgäreşe 2020 xisabı açıqlandı

1539188
Klimat üzgäreşenä kemnär äzer?

Parij Klimat kileşüeneň 5 yıllığında London kolledjı universitetı liderlığında 35 oyışmadan 120 belgeç äzerlägän “Lanset Kauntdawun Sälamätlek häm klimat üzgäreşe 2020” xisabı açıqlandı.

Aña qarağanda, cılı hawa dulqınına bäyle iň küp ülem küzätelgän töbäklär arasında Rusiyä häm Amerika Quşma Ştatları belän qayber Awrupa illäre bar. Soňğı 20 yılda olı yäş’tägelärneň qızulıqqa bäyle üleme yaqınça 54%ka arttı.

Belgeçlär global’ cılılıq artışın 2 däräcä belän çikläwçe aşığıç çaralar kürelgän oçraqta bu täêsirlärne azaytıp bulaçağın citkerä.

Klimat üzgäreşeneň xayvannardan keşelärgä yoğuçı xastalıqlarnı da arttıraçağın uylasaq, küreläçäk çaralarnıň awır näticälärne azaytaçağı küzdä totıla.

Xisaptan añlaşılğança, ber genä däwlätneñ dä sälamätlek saqlaw sisteması klimat krizisına äzer tügel häm 101 ildän barı tik 51endä genä milli sälamätlek häm klimat üzgäreşe planı bar. Alarnı çınğa aşıru öçen citärlek finans çığanağı ayırıp quyğan il sanı 4tän uzmıy.



Bäyläneşle xäbärlär