Afrikalı yegetneñ cenazasın töreklär ütkärde

Germaniyädä yaman şeştän ülgän häm gäwdäse yandırılırğa tiyeş bulğan afrikalı möselman yegetne kümüne töreklär üz östenä aldı. Anıñ yaqınnarı Afrikada qalğan.

Yeget êşläp yarlılıqtan tilmerüçe ğailäsenä aqça cibärü öçen Kot – D’İvuardan Germaniyägä kilä. Tik 33 yäş’lek Xäsän Lassina Konateğa biredä yaman şeş diagnozı quyıla. Ul däwalanğan xastaxanäsendä can birä. İke atna morgta totqannan soñ Germaniyädä berkeme bulmağan Xäsänneñ gäwdäsen yandırırğa qarar qılalar.  Älege xäl turında Diniyä êşläre törek-islam berlegeneñ Ginśburg mäçete idaräse işetä. Alar yaqınnarınnan röxsät alıp Xäsänne İslam dine qanunnarı buyınça cirli. Koronavirus krizisı arqasında mäyetne tuğan cirenä cibärü mömkin bulmıy. Xäzer Germaniyä törekläre yegetneñ ğailäsenä matdi yärdäm itü turında uylıy.