"Tabiğat’neñ qotqaruçığa ixtıyacı bar"

Bu xaqta BMO ğomüm särqätibe belderde

1538681
"Tabiğat’neñ qotqaruçığa ixtıyacı bar"

Berläşkän Millätlär Oyışması ğomüm särqätibe Antanio Guterreş Kolumbiya Unşiversitetında oyıştırılğan panel’da “Planetanıñ wazğıyäte” isemle çığış yasap, keşelekneñ tabiğat’ne pıçratuınıñ intixar kereşüe buluın belderde.

“Planetabız bozıla, biotörlelek zıyan kürä, ber million törneñ näsele yuqqa çığu riskı astında, çüllär zuraya, sular azaya häm här yıl 10 million gektar urman yuqqa çığa. Bu xaosnıñ töp säbäbe – keşelär. Hawa häm su kerlelege yılda 9 million keşeneñ ğomeren özä häm bu san koronavirus pandemiyase ülemnärennän 6 tapqırğa kübräk,” – dide ul.

Yoğuçı xastalıqlarnıñ 75%ınıñ xayvannardan keşelärgä yoğuçı awırular buluına işarät itkän Guterreş dön’yanıñ şul uq waqıtta klimat fäläkäte belän oçraşuın kisätte.

Ğomüm särqätip bozılğan planetanı tözekländerü äxlaqıy test qına tügel, ä şul uq waqıtta 21 ğasırda härkemneñ östenlege buluı kiräklegen äytep: “Planeta öçen vakŝina yuq, tabiğat’neñ qotqaruçığa ixtıyacı bar. Dön’ya iqtisadın üzgärtergä waqıt citte,” – dide.



Bäyläneşle xäbärlär