Êlekkege AQŞ agentı Rusiyä watandaşı bulaçaq

Rusiyägä sıyınğan êlekkege ŚRU agentı Êdvard Snouden watandaşlıq alırğa äzerlänä. Ul 2013nçe yılda Amerika Quşma Ştatlarınıñ yäşeren mäğ’lümatların açıp saluı öçen ilgä xıyanät itüdä ğayeplängän ide. Snouden matbuğat çaralarına AQŞ maxsus xezmätläreneñ böten dön’yada êzärlekläw alıp baruın söyläde. Bu xäbär zur şaw-şu quptardı. Snouden AQŞtan Gonkongka, annan isä Mäskäwgä qaçtı.

Xäzer isä Snouden Rusiyäneñ tulı xoquqlı watandaşı bulu öçen ğariza biräçäk. Mona qadär aña ildä daimi yäşäw röxsäte birelde, şulay uq, ul däwlät yaqlawı astına alındı.

Êlekkege agentnıñ advokatı beldergänçä, 37 yäş’lek  Snowden tizdän watandaşlıq öçen kiräkle dokumentlarnı Rusiyä dairälärenä tapşıraçaq. Ul xatınınıñ awırlı buluın häm tuaçaq bala belän bergä böten ğailäneñ Rusiyä watandaşı bulırğa teläwen belderde.