Boeing 737 Max qabat oça başladı

Yözlärçä keşe ülgän ike zur qazadan soñ bu tip oçqıçnıñ hawağa kütärelüe tıyılğan ide

1538976
Boeing 737 Max qabat oça başladı

AQŞnıñ Boeing şirkäteneñ 737 MAX oçqıçı, modelendäge texnik citeşsezleklär säbäple kilep çıqqan ike zur hälakättän soñ, täwge tapqır hawağa kütärelde. Andağı berençe yulçılar massaküläm mäğ’lümat çaraları wäkilläre ide.

İndoneziyädä 2018nçe yılda kilep töşkän Boeing 737 Max oçqıçında 189 keşeneñ ğomere özelde. Uzğan yıl Êfiopiyada şundıy uq model’ oçqıçnıñ qazasında 157 keşe hälaq buldı.

Bu ike waqıyğadan soñ böten dön’yada 737 MAX törendäge oçqıçlarnıñ barısı angarga quyıldı.

20 ay däwam itkän tikşerenülärdän soñ AQŞ federal’ aviaśiyä oyışması oçqıçlardağı citeşsezlekneñ beterelüen belderde. Alarnıñ ışanıçlı buluın äyttelär häm bu model’lärneñ oçuına röxsät birelde.

Boeing 737 Maxnıñ täwge oçışı Dallastan Oklaxomanıñ Tulsa şähärenä yasaldı. Yulçılıq problemasız ütte. Oçqıç berençe kommerśiyä reysın isä 29nçı dekabr’dä başqaraçaq.



Bäyläneşle xäbärlär