İtaliya – “G20”neñ çirattağı başlığı

İtaliyanıñ G20 çirattağı räislege räsmi räweştä başladı

1538252
İtaliya – “G20”neñ çirattağı başlığı

İtaliya Baş ministrı Juzeppe Konte ileneñ G20 çirattağı räislegeneñ kiçä başlawın äytte.

Belderüne “Twitter” akkauntınnan citkerüçe Konte: "Bezne kötkän global’ awırlıqlarğa qarşı cawap birergä häm irtägäge dönyanı bügennän tözergä, balalarıbızğa tağın da yaxşıraq planetanı qaldırırğa çaqırıldıq,” – dip yazdı.

Yazmasında ayıruça Rimnıñ simvol qorılmalarınnan Kolizey aldında töşerelgän video da urnaştırğan Konte İtaliyanıñ çirattağı räislegeneñ keşe, planeta häm mullıq räweşendä öç nigezgä salınaçağın belderde.

Kiläse yılda yaña tör koronavirus (Kovid-19) kizüeneñ betkän buluın teläwçe İtaliya Baş ministrı G20 Liderlar sammitın da 2021nçe yılnıñ 30nçı-31nçe üktäbr’ könnärendä başqala Rimda oyıştıraçaqların citkerde.

Konte “G20”neñ çirattağı başlığı wazıyfasın noyabr’ ayında “Kovid-19” kizüe arqasında video konferenśiya ısulı belän uzğan sammitta Soğud Ğäräbstanınnan alğan ide.



Bäyläneşle xäbärlär