“Biontech” belän “Pfizer”neñ vakśinasına Angliyadan raslaw

Angliya törek ğalime professor doktor Uğur Şahin qoruçı urtağı bulğan alman biotexnologiya firması “BioNTech”nıñ amerikan daru şirkäte “Pfizer” belän qamilläştergän yaña tör koronavirus (Kovid-19) vakśinasınıñ kiñ räweştä qullanıluın xupladı.

BBC xäbär itüençä, Angliya daru häm sälamätlek saqlaw êşlänmälären tärtipkä salu oyışması "BNT162b2" vakśinanıñ kiñ qullanıluı öçen ışanıçlı buluın belderde.

Bu räweşle Angliya “Kovid-19”ğa qarşı qamilläşterelgän vakśina ürnägen raslağan berençe il buldı.

Raslawdan soñ Angliyada kiläse atnada yuğarı östenlekle törkemnärneñ vakśinaśiyälänelüenä başlanuı kötelä.

Angliya monnan alda vakśinadan 40 million doza satıp alu öçen alkileşü tözegän ide.

“mRNA” nigezle vakśina ürnäge - dönyada terkälgän berençe “Kovid-19” vakśinası buldı.

Vakśina 10 ay kebek qısqa waqıtta kliniktan äwwälge tikşerenülärne häm 3 êtap klinik sınawların tämamlap raslaw aldı.

“Pfizer” häm “BioNTech” vakśina ürnägeneñ virusqa qarşı immunitet täêmin itüdä 95% täêsirle buluın beldergän ide.

Şirkätlär vakśinanıñ aşığıç räweştä qullanıluına röxsät birelüe öçen AQŞ azıq-tölek häm daru departamentı (FDA) belän Awrupa daru agentlığına (EMA) möräcäğät itkän ide.

Şirkätlär vakśina belän täêmin itü öçen Amerika Quşma Ştatları, Awrupa Berlege, Angliya, Kanada häm Yaponiya belän kileşülär tözede.

Törkiyä sälamätlek saqlaw ministrı Fahrättin Koca 25nçe noyabr’dä Törkiyäneñ vakśina ürnägennän 1 millionı dekabr’dä buluı belän bergä qış aylarında 25 million doza satıp alu öçen söyläşülär alıp baruın beldergän ide.

Şirkät vakśinadan 2020nçe yıl axırına qadär 100 million häm 2021nçe yıl azağına qadär isä yaqınça 1,3 milliard doza êşläp çığarunı planlaştıra.