8 diñgezçene urladılar

Nigeriya sulıqlarında piratlar Livan köymäsenä höcüm itep 8 diñgezçene urladı. Alarnıñ 3se livanlı. Bu xaqta Livan êçke êşlär ministrlığınnan belderdelär. Anda äytelgänçä, piratlar höcümenä duçar bulğan korab Kamerunğa yul totqan. Säwdä köymäsen soñraq 2 kamerunlı diñgezçe belän cibärälär, 8 keşe äle xaman yuğalğan isäplänä.

Livannıñ Abudja ilçese Xusam Diyab waqıyğanı barlıq waqlıqları belän Nigeriyä diñgez köçläre belän berlektä küzätep baruların belderde.

Köymäne Nigeriyadan Kamerunğa yök taşu öçen ber neft’ şirkäte arendalağan. Misır matbuğatı urlanğan diñgezçelär arasında 2seneñ üz watandaşı buluın xäbär itte.