Basuda êşläwçe fermerlarğa höcüm

Boko Xaram oyıştırğan höcümdä 110 fermer ülde

1536717
Basuda êşläwçe fermerlarğa höcüm

Nigeriyaneñ tön’yaq könçığışındağı Borno vilayätendä Boko Xaram terror oyışması oyıştırğan höcümdä 110 fermer yaqtı dön’yadan kitte.

BMOnıñ Humanitar yärdäm Nigeriya koordinatorı Êdvard Kallon jurnalistlarğa yasağan açıqlawında kiçä terrorçılarnıñ vilayätkä bäyle Gain Kwaşebe awılında döge basuında êşläwçe fermerlarğa höcüm itüen belderde.

Höcümdä 110 keşeneñ yaqtı dön’yadan kitüen, şaqtıy keşeneñ yaralanuın äytkän Kallon: “Bu höcüm qotoçqıç. Bu ayawsız höcümdä ğomere özelüçelärneñ ğailäläreneñ qayğısın urtaqlaşam. Höcümdä yaralanuçılarğa şifalar telim,” – dide.

Kallon höcümdä şaqtıy xatın-qıznıñ urlanuın äytep, xökümätne alarnı êzläw öçen êşkä kereşergä çaqırdı.

Nigeriya däwlät başlığı Möxämmäd Buxari isä höcümne ğayepläp: “Bu mägnäsez cinayät’lär belän ilebez yaralandı,” – dide.

İl matbuğatına çıqqan xäbärlärdä höcüömnärdä 44 keşeneñ yaqtı dön’yadan kitüe urın alğan ide.



Bäyläneşle xäbärlär