"Qara comğa"da qorallı höcüm

AQŞnıñ Kaliforniya ştatında kiçä bulğan qorallı höcümdä 2 keşeneñ ğomere özelde. Sakramento şähärendä ber säwdä üzägendä ut açalar. Näticädä 19 yäş’lek beräw waqıyğa urınında, 17 yäş’lek tağın ber keşe isä xastaxanädä hälaq bula.

Sakramento poliśiyäse beldergänçä, ildä alış-bireş sezonı açıla torğan kön dip qabul itelüçe “Qara comğa” (Black Friday) säbäple keşe küp bulğan ber säwdä üzägen saylağan höcümçeneñ kemlege älegä bilgele tügel.