Ӓfganstan - 2019 nçı yılda da terrordan iň küp zıyan kürgӓn il

Uzğan yıl Ӓfganstandağı terror höcümnӓrendӓ 5 meň 725 keşe can birgӓn

1535783
Ӓfganstan - 2019 nçı yılda da terrordan iň küp zıyan kürgӓn il

 

Üzӓge Avstraliyӓdӓ urnaşqan İq’tisad hӓm tınıçlıq institutı “Global’ terrorçılıq indeksı 2020” xisabın bastırıp çığardı.

 Ӓlege xisapta 163 ildӓ yıl buyı küzӓtelgӓn terror waqıyğaları urın ala.  

Xisaptan kürengӓnçӓ, Ӓfganstan,2018 nçe yıldağı kebek, 2019 nçı yılda da terrordan iň küp zıyan kürgӓn illӓr arasında berençe urında tora.

Uzğan yıl dönya külӓmendӓge terror höcümnӓrendӓ tuplam 13 meň 826 keşeneň ğomere özelgӓn , monıň 41%ı , yӓğ’ni 5 meň 725 keşe Ӓfganstandağı terror höcümnӓrendӓ can birgӓn.

Ӓfganstandağı höcümnӓrdӓ 6 meň 211 keşe yaralanğan.

2019 nçı yılda iň qurqınıç 20 terror waqıyğasınıň 7 se Ӓfganstanda bulğan.

Tuplam 493 keşe ğomeren yuğaltqan bu höcümnӓrneň 5 sen Taliban, 2 sen “DEAŞ” terror oyışması başqarğan.

Xisap Taliban oyışmasın dönyadağı iň qurqınıç, iň ütergeç terror oyışması dip atıy.

Mӓğ’lümatlardan kürengӓnçӓ, uzğan yıl Ӓfganstandağı terror höcümnӓre qorbannarınıň 87%ı Taliban höcümnӓrendӓ ülgӓn.

Taliban 2019 nçı yılda Ӓfganstan iminlek köçlӓrenӓ 508 tapqır höcüm itkӓn hӓm bu höcümnӓrdӓ 2 meň 900 dӓn kübrӓk keşe yaqtı dönyadan kitkӓn.

”DEAŞ” terror oyışması isӓ uzğan yıl 55 höcüm kereşüe başqarıp 320 keşeneň ğomeren özgӓn.

Xisap dönyada terrordan iň küp zıyan kürgӓn 10 ilneň Ӓfganstan, Ğıyraq, Nigeriya, Süriyӓ, Somali, Yӓmӓn, Paqıstan , Hindıstan , Kongo Demokratik Cömhüriyӓte hӓm Filippinnar buluın belderӓ.

Bu isemlektӓ Törkiyӓ 18 nçe urında, Amerika Quşma Ştatları 29 nçı, Angliya isӓ 30 nçı urında tora.



Bäyläneşle xäbärlär