Tryudo - telefonnan şayartunıñ qorbanı buldı

Kanada xökümäte räisen Rusiyädän 2 komik aldadı

1534857
Tryudo - telefonnan şayartunıñ qorbanı buldı

Telefon şayartularınıñ soñğı qorbanı Kanada xökümäte räise Djastin Tryudo buldı. “Vovan häm Leksus” bularaq tanılğan Rusiyä prankerları başqalarnıñ tawışı belän söyläşep tanılğan säyäsätçe häm sänğat’çelärne telefon aşa ışandıra. Bu yulı Vladimir Kuzneśov häm  Aleksey Stolyarov tanılğan xoquq yaqlawçı qız Greta Tunberg obrazına kerde.

Komiklar Kanada xökümäte räise Tryudo belän älege tabiğat’ne yaqlawçı qız bularaq telefonda 10 minut buyı äñgämä qora.

Prem’yer-ministr söyläşüdä ğıynvar ayında İranda Ukraina oçqıçınıñ bärep töşerelüen kön üzägenä kiterä häm “Greta” ğa kiyerenkelekne beterü öçen qulınnan kilgänne êşläwen añlatırğa tırışa.

Yalğan “Greta” kiläçäk şikelle bügenneñ dä bezdän urlanmawı öçen adımnar yasarğa çaqıra häm Tryudodan AQŞ ilbaşı Donal’d Tramp häm NATOğa yoğıntısın qullanuın sorıy. “NATOdan çığığız. Qorallarığıznı taşlağız. Çäçäkcıyığız. Tabiğat’kä yılmayığız,”-di ul.Tryudo isä: “Min dä xärbilärgä kiräk qalmağan dön’ya turında xıyallanam, ämma älegä andıy dön’yada yäşämibez, qızğanıçqa,”-dip cawap birä.

Pankerlar Tryudodan Tunbergnı “Kön’yaq Park” mul’tfil’mınıñ personajları bulğan Terens häm Filipp belän tanıştıruın sorıy. Kanada xökümäte räise alarnıñ çın keşe tügelleklären añışıp betmiçä: Min üzemneñ yärdämçeläremnän sezneñ arada êlemtä urnaştıruların sorarmın. Çönki mindä alarnıñ kontaktları yuq, läkin tabarğa tırışırbız,”- dip cawap birä. Yalğan Greta tağın ber qat monıñ mömkinme ikänen sorağannan soñ, Tryudonı yäşen suqqanday bula. “Tuqtale, Terens belän Filipp Kanada mul’tfil’mı geroyları tügelme? Alarnı keşe bularaq tanımıym,”-dip äytä ul häm ozaq däwam itkän äñgämägä noqta quya.



Bäyläneşle xäbärlär