Netan'yaxu Baxreynğa barırğa cıyına

İzrail xökümäte räise Bin’yamin Netan’yaxu tizdän Baxreynğa säfär yasayaçağı turında belderde. İke il arasında mönäsäbätlärne torğızu turında kileşü imzalanğan ide.

Netan’yaxu sośial’ media akkauntındağı yazmasında Baxreyn täxet prinśı häm xökümät räise Sälman bin Xamad bin İsa Al Xälifä belän telefon aşa söyläşüen belderde. Ul priñśnıñ üzen Baxreynğa çaqıruın häm tizdän Manamağa säfär yasayaçağın da äytte. Ämma qayçan baraçağı turında mäğ’lümat birmäde.

Şul uq waqıtta, İzrail tışqı êşlär ministrı Gabi Aşkenazinıñ räsmi säfär belän kiläse atnada Baxreynğa kitäçäge belderelde.

İzrail belän Baxreyn 15nçe sentyabr’dä AQŞnıñ Aq Yortında uzğan tantanada mönäsäbätlären torğızu kileşüe imzaladı.