Kongress binasına ut törttelär

Gvatemalada xökümätneñ qararlarına qarşı protest çaraları başlandı

1532670
Kongress binasına ut törttelär

Gvatemalada xökümätneñ 2021nçe yıl byudjetına protest belderüçelär Kongress binasında yanğın kiterep çığardı. Alar däwlät başlığı Alexandro Djammattei idaräseneñ mäğarif häm sälamätlek saqlaw tarmaqlarına finanslawnı kimetüenä rizasızlıq belderä.

Kongress binası qarşında mniting oyıştırğan protestçılar arasınnan ber törkem êçkä kerep ber kabinetqa ut törtä.  Şunnan soñ poliśiyä cıyılğan xalıqnı tuqmaq häm küz yäşen çığaruçı gaz belän quıp tarata. İlbaşı sarayı qarşında oyıştırılğan başqa mitingqa da qarşılıq kürsättelär. Poliśiyä distälägän keşene saq astına aldı.

Xökümät wäkilläre Kongresstağı waqıyğanı terrorçılıq dip atadı.

Amerikanıñ keşe xoquqları komissiyäse poliśiyäneñ rizasızlıq belderüçelärgä qarşı çiktän tış köç qullanuın tänqıyt’läde, ä Kongresstağı vandallıq oçraqlarına qarata cinayät’ êşe açarğa çaqırdı.

Amerika däwlätläre oyışması da belderüendä “Protest xoquqınıñ axırğa qadär garantiyägä alınuı kiräk, ämma berkemneñ dä vandallıqqa xoquqı yuq” dip yaza.



Bäyläneşle xäbärlär